Qazaqstandyqtar qansha zeınetaqy jınaǵyn turǵyn úı jaǵdaıyn jaqsartýǵa jumsady

NUR-SULTAN. QazAqparat – Elimizde 1,3 trıllıon teńge (shamamen 60%) zeınetaqy tólemderi turǵyn úı jaǵdaıyn jaqsartýǵa jumsalǵan. Bul týraly QR Básekelestikti qorǵaý jáne damytý agenttigi «QazAqparat» HAA alańynda ótkizgen bastapqy turǵyn úı naryǵyndaǵy básekelestik týraly Open Space-te aıtyldy, dep habarlaıdy QazAqparat tilshisi.

«1,3 trıllıon teńge (shamamen 60%) zeınetaqy tólemderi turǵyn úı jaǵdaıyn jaqsartýǵa jumsaldy, onyń 46%-y (621 mlrd.teńge) - ıpotekasyz turǵyn úı satyp alýǵa (tolyq óteý), 25%-y (336 mlrd.teńge) ıpotekalyq nesıe boıynsha qaryzdy jabýǵa (ishinara nemese tolyq), 14%-y (194 mlrd.teńge) jınaqtalǵan zeınetaqy tólemine, 6%-y (75 mlrd.teńge) «Otbasy» banktegi ıpotekalyq turǵyn úı zaemyn alý úshin, 3%-y (40 mlrd.teńge) bastapqy tólemdy quraıdy», - deıdi QR Básekelestikti qorǵaý jáne damytý agenttiginiń tóraǵasy Serik Jumanǵarın.

Departamenttiń habarlaýynsha, tirkelgen satyp alý-satý mámileleriniń sany (2021 jyldyń qańtarynan sáýirine deıin 175 040) turǵyndar tarapynan suranystyń artqanyn kórsetedi. Alaıda, turǵyn úı jaǵdaıyn jaqsartý úshin zeınetaqy tólemderin paıdalaný erejeleri qurylys salýshyda Biryńǵaı operatordyń kepildigi bolmasa, turǵyn úıdi qurylys satysynda satyp alý múmkindigin joqqa shyǵarady.