Qazaqstandyqtar qansha aqshasyn dúken-bazarlarda qaldyrady
ALMATY. QazAqparat - 2019 jyldyń alǵashqy aıynda qazaqstandyqtar dúken men bazarlarda 700 mlrd teńgesin qaldyrǵan. Al aýyl turǵyndary bar-joǵy 50 mlrd teńge jumsaǵan, dep habarlaıdy QazAqparat tilshisi Ranking.kz silteme jasap.
Qańtardaǵy bólshek jáne kóterme saýda kólemi 2,2 trln teńgege jetken. Kóterme saýda kólemi boıynsha Almaty kósh bastap tur. Munda Qazaqstandaǵy kóterme saýdanyń 44,5%-y (668,5 mlrd teńge) júzege asyrylǵan.
Ekinshi orynǵa 270 mlrd teńge kórsetkishpen Astana turaqtady. Úzdikter úshtigin Atyraý oblysy tuıyqtaıdy. Munda 207,3 mlrd teńgeniń kóterme saýdasy júrgizilgen.
Bólshek saýda boıynsha da Almaty kósh basynda. Munda 223,6 mlrd teńgeniń taýary satylǵan. Bir jyldaǵy ósim 13,5% boldy. Ekinshi orynda 74,4 mlrd teńge saýdamen Astana tur.
Úshinshi orynǵa bul joly 68,3 mlrd teńgeniń saýdasymen Qaraǵandy oblysy taban tiredi. Bir jylda saýda 10,7%-ǵa ósken.
