Qazaqstandyqtar qandaı jaǵdaıda aty-jónin óz qalaýynsha ózgerte alady

Almaty qalasy ádilet departamenti basshysynyń orynbasary Berikbol Sámenov Neke jáne otbasy kodeksiniń baptaryna ózgerister men tolyqtyrýlardyń engizilýine baılanysty, atyn, ákesiniń atyn, tegin aýystyrýǵa baılanysty ózgertýge jatatyn málimetter týý týraly, neke qııý nemese buzý týraly tıisti akt jazbalaryna atyn, ákesiniń atyn, tegin aýystyrý týraly qorytyndynyń negizinde engiziletinin aıtty.

«Sondaı-aq ózgerister negizinde atyn, ákesiniń atyn, tegin aýystyrý týraly akt jazbasy tirkelmegendikten kýálik te berilmeıdi. ıAǵnı tirkeýshi organdar atyn, ákesiniń atyn, tegin aýystyrý júrgizilgenin rastaý úshin týý týraly, neke qııý nemese buzý týraly tıisti kýálik beredi», - dedi spıker.

Sonymen qatar, ol azamattyq hal aktilerin tirkeý salasyndaǵy memlekettik qyzmetterdi ońtaılandyrý maqsatynda azamattarǵa yńǵaıly bolý úshin azamattyq hal aktilerin tirkeýdiń barlyq túrlerin tirkeý, qaıtalama kýálik pen anyqtama alý boıynsha eks aýmaqtyq qaǵıdat engizilgenin atap ótti.

Osylaısha, azamattar ózine yńǵaıly HQO nemese «elektrondy úkimet» www.egov.kz arqyly memlekettik qyzmet standartyna sáıkes ótinish bildirýine bolady.

Tirkeý qyzmeti salasyndaǵy ádistemelik qamtamasyz etý jáne baqylaý basshysynyń mindetin atqarýshy Lázzat Sydyqova atyn, ákesiniń atyn, tegin aýystyrý týraly ótinishti tirkeýshi organ, Qazaqstannyń shet eldegi mekemesi Qazaqstan Respýblıkasynyń neke-otbasy zańnamasyna sáıkes qaraıtynyn tilge tıek etti.

Atyn, ákesiniń atyn, tegin aýystyrýdy on alty jasqa tolǵan jáne atyn jáne (nemese) ákesiniń atyn, tegin aýystyrýǵa tilek bildirgen adamnyń jeke ótinishi boıynsha tirkeýshi organdar júrgizedi.

Sondaı-aq, ol atyn, ákesiniń atyn, tegin aýystyrýdyń dáleldi sebepterin atady:

1) atynyń, ákesiniń atynyń, teginiń oǵash estilýi;

2) atynyń, ákesiniń atynyń, teginiń aıtýǵa qıyndyq keltirýi;

3) eger nekeni memlekettik tirkeý kezinde nekege deıingi teginde qalsa nemese nekeni memlekettik tirkegennen keıin jubaıy tegin basqasyna aýystyrsa, jubaıymen ortaq famılııada bolǵysy kelgen jubaıynyń tilegi;

4) eger neke buzylǵan kezde bul týraly málimdelmese, nekege deıingi tegin alǵysy kelýi;

5) burynǵy nekeden týǵan balalarymen ortaq famılııada bolǵysy kelýine baılanysty;

6) jubaıy qaıtys bolǵan jaǵdaıda nekege deıingi tegin alǵysy kelýi;

7) jubaıy qaıtys bolǵan jaǵdaıda ótinish berýshi nekege deıingi teginde bolǵanda balalarymen ortaq tekte bolǵysy kelýi;

8) ótinish berýshi tańdaǵan ata-anasynyń biriniń ultyna sáıkes keletin atty jáne tekti alǵysy kelýi;

9) qujattaǵy atynan ózgeshe, ómirde naqty qalyptasqan atyn alǵysy kelýi;

10) eger nekege otyrǵan kezde jubaıynyń tegi qabyldansa, nekege deıingi tegin alǵysy kelýi;

11) ulttyq dástúrlerge baılanysty ákesiniń nemese atasynyń aty boıynsha tekte bolǵysy kelýi;

12) ótinish berýshini is júzinde tárbıelegen adamnyń tegi men aty boıynsha tekti jáne (nemese) ákesiniń atyn alǵysy kelýi;

13) jynysyn hırýrgııalyq jolmen ózgertken kezde tańdaǵan jynysqa sáıkes keletin atty, ákesiniń atyn, tekti alǵysy kelýi kezinde júrgiziledi.

«Atyn, ákesiniń atyn, tegin aýystyrý týraly ótinishte kelesideı málimetter qajet: ótinish berýshiniń aty, ákesiniń aty (eger bar bolsa), tegi; tańdaǵan aty, ákesiniń aty, tegi; atyn, ákesiniń atyn, tegin aýystyrýdyń sebepteri kórsetilýge tıis»,- deıdi Lázzat Sydyqova.

Tolyq aty-jónin ózgertý ótinishi joǵaryda atalǵan barlyq 13 tarmaqqa sáıkes kelýi kerek.

Jalpy, jyl basynan beri Almatyda 2670 turǵyn tegin aýystyrýǵa ótinish bildirgen.

«Tegin, atyn, ákesiniń atyn ózgertkennen keıin ótinish berýshi eń aldymen jeke kýáligin, tólqujatyn aýystyryp, sodan keıin júrgizýshi kýáligin aýystyrý úshin mekemelerge, bankterge júginýi qajet. Qajet bolǵan jaǵdaıda neke kýáligin jáne balalardyń týý týraly kýáligin ózgertý kerek. Dıplomdy aýystyrýdyń qajeti joq», - dedi Naýryzbaı aýdandyq AHAT bóliminiń basshysy Dılıara Qılybaeva.