Qazaqstandyqtar qandaı mototsıklder mingendi unatady
ASTANA. QazAqparat - Qazaqstanda avtomobıl naryǵyna qaraǵanda mototehnıkalardyń satylymy shamamen 30 paıyzǵa tómen. Degenmen, ótken jyly bul naryqtyń da 2016 jylmen salystyrǵanda azdap kóterilgendigi baıqalady, dep habarlaıdy QazAqparat.
Qazaqstannyń avtobıznes qaýymdastyǵy málimetterine qaraǵanda, 2017 jyly elimizde tirkelgen mototsıklderdiń sany alǵash ret 1501-ge jetti. Bul bir jyl burynǵy kórsetkishten 41 mototsıklge artyq. Jalpy tirkelgen mototsıklderdiń sany 2016 jylmen salystyrǵanda 10,6 paıyzǵa artyp, 4411 birlikti qurady.
Qazaqstanda satylǵan sý jańa mototehnıkalardyń ishinde Racer brendimen shyǵatyn RC250 dep atalatyn reseılik-qytaıly baık kósh bastap tur. Ótken jyly bul mototsıkldiń 204 birligi tirkeýge alynǵan. Odan keıingi orynda - Honda CBR600 (97 birlik). Úzdik úshtikti reseılik Ural mototsıkli (96 birlik) tuıyqtaıdy.
Al ekinshi naryqta eń kóp satylǵan mototsıklderdiń ishinde japon tehnıkasyna suranys basym. 2017 jyly Іshki ister mınıstrliginiń organdary 800 Honda, 738 Yamaha, 436 Suzuki, 420 Racer, 291 Kawasaki mototsıklin tirkegen. Ótken jyly tirkelgen mototsıklderdiń 60 paıyzǵa jýyǵy (2296 birlik) 10 jyl buryn shyǵarylǵan. Al shyǵarylǵanyna 3-pen 10 jyl aralyǵyndaǵylar - 1017, 3 jylǵa deıingiler 1091 birlikti quraıdy.
Foto: moto.drom.ru
