Qazaqstandyqtar qandaı mamandyqpen kóp jumys izdeıdi
ALMATY. QazAqparat - Qazir jańa mamandyqtar kóptep paıda bolýda. «NeadHunter Kazakhstan» veb-saıtynda jarııalanǵan bos jumys oryndaryn taldaý jasap kórdi.
Erler men áıelder aınalysatyn kásiptiń ejelden qalyptasqan qaǵıdasy bar. «Erkek aqsha tabýshy, áıel sol aqshany ornymen jumsaýshy». Alaıda, ýaqyt óte kele bul ustanymda ózektiligin joǵaltyp barady. Eńbek naryǵynda ózgerister bolyp, jańa mamandyqtar paıda bolýda. Desekte, áıelder men erler arasyndaǵy naqty aıyrmashylyqtar saqtaldy.
«Qazirgi álemde eńbek naryǵyndaǵy genderlik teńgerim ózgere bastady. Erkekter aınalysatyn kásip, áıelderge laıyqty jumys degen uǵym joǵalyp barady. Esesine jańa kásipter paıda bolýda, - dedi marketıng bóliminiń menedjeri Dana Qasymova.
Degenmen, aýyr fızıkalyq eńbekte, er azamattardyń artyqshylyǵy áli de saqtalǵan. Budan basqa, Eńbek kodeksinde názik jandylarǵa tyıym salynǵan birqatar jumys oryndary bar, atap aıtsaq, dánekerleý, santehnıka, taý-ken jumystary, qorǵasynmen jumys isteý, elektrotehnıkamen baılanysty mamandyqtar men geologııalyq barlaý jatady. Olardyń kópshiligi jer asty jumystarymen baılanysty. Aýyr kóterý, densaýlyqqa zııany bar óndirister jáne jarylys jumystaryn aıtýǵa bolady. Sondaı-aq, munaıshylar, gaz qutqarýshylary, kran operatorlary arasynda áıelder joq.
«Er adamdarǵa shydamdylyq, strategııalyq oılaý, tózimdilik, ustamdylyq jáne qataldyq sııaqty kásiptik qasıetterdi jatqyzýǵa bolady.
Hh.kz saıtynyń málimetteri boıynsha, erkekter tómendegi mamandyqtar boıynsha jumys isteıdi: avtomobıl bıznesi (92,82%); qaýipsizdik (92,46%); basshylyq (68,49%); shıkizatty óndirý (85,83%); satyp alý (61,70%); montajdaý jáne qyzmet kórsetý (95,60%); aqparattyq tehnologııalar, ınternet, telekommýnıkatsııalar (79,64%); óndiris (77,98%); túrli qyzmet kórsetetinder (92,53%); qurylys jáne jyljymaıtyn múlik (79,38%); kólik, logıstıka (82,41%); qyzmetkerlerdi basqarý (79,76%) », - dedi Dana Qasymova.
Onyń aıtýynsha, áıelderdiń boıynda myna qasıetter tabylýy kerek: uqyptylyq,tabandylyq, adaldyq pen shydamdylyq . Áıelder basym bóligi ekonomıka salasyn tańdaıdy (81,98%), esepshi (66,16%), medıtsına (74,47%), ǵylym jáne bilim (79,88%), sulýlyq pen fıtnes salondary (68,73%), saqtandyrý qory (61,87%).
Sońǵy alty aıda erler arasynda eń kóp suranysqa ıe kásiptik baǵyttar: óz kásibin bastaý (16,43%), satý (11,54%), óndiris (9,21%), kólik, logıstıka (8, 60%), IT, telekommýnıkatsııa, ınternet (8,48%),
«Erkekterdiń 44,29% -y 142,5 myńnan 285 myń teńgege deıin jalaqy alǵysy keledi », - dep atap ótti kompanııa.
Sondaı-aq, HeadHunter Kazakhstan usynǵan resmı málimetteri boıynsha, áıelder qaýymy ózderiniń túıindemelerin kelesi kásibı baǵyttarda ornalastyrdy: eńbek jolyn alǵash ret bastaý, býhgalterlik esep, basqarýshylyq esep, qarjy kompanııalary; satý; ákimshilik qyzmet kórsetý, bankter, ınvestıtsııalyq joba usyný, lızıng. Áıelder arasynda eń kóp talap etiletin eńbekaqy mólsheri 100 800-den 201 700 teńgege deıin.
QR zańnamasynda memlekettik jáne qoǵamdyq ómirdiń barlyq salalarynda erler men áıelderdiń teń quqyqtary men teń múmkindikterin qamtamasyz etýge kepildik beriledi.
«Konstıtýtsııaǵa sáıkes árbir adam eńbek aqysyn alýǵa quqyly. Barlyq adam zań men sot aldynda teń. Azamattyq, áleýmettik, laýazymdyq jáne qarjylyq jaǵdaıyna, jynysyna, ultyna, tiline, dinine, diline, nanymyna, turǵylyqty jerine nemese basqa da jaǵdaılarǵa baılanysty eshkimge kemsitýge jol berilmeıdi »,-deıdi kompanııa ókilderi.
