Qazaqstandyqtar qandaı kólikterdi kóp satyp alady
NUR-SULTAN. QazAqparat – 2019 jyly Qazaqstanda 50 447 avtokólik qurastyryldy. Olardyń arasynda jeńil jáne júk kólikteri, avtobýs tehnıkasy men arnaıy mashınalar da bar. Bul týraly QazAqparat «QazAvtoÓnerkásip» avtokólik salasyndaǵy kásiporyndar odaǵyna silteme jasap habarlaıdy.
Esepti kezeńde Qazaqstanda shyǵarylǵan kólikterdiń jalpy quny 359,5 mlrd teńgege baǵalanyp otyr. Jalpy, jeńil avtomobıl óndirý 46,8 paıyzǵa ósip, 44 077-ge jetti.
Ótken jyly Qazaqstanda shyǵarylǵan jeńil kólikterdiń arasynda suranysqa ıe brendterdiń bestigine Lada (15,1 myń kólik), Hyundai (14,9 myń), KIA (3,7 myń), Ravon (2,9 myń) jáne Skoda (1,1 myń) endi. Otandyq kásiporyndar usynatyn markalardyń tiziminde JAC (1 myń), Chevrolet (0,7 myń) pen UAZ (0,5 myń) bar ekenin atap ótken jón.
Byltyr 5 315 avtomobıldi jeńildikti avtonesıeleý membaǵdarlamasyna qatysqandar satyp aldy.
