Qazaqstandyqtar qandaı kólikterdi kóbirek satyp alady
ASTANA. QazAqparat - Qańtar-naýryz aılarynyń qorytyndysy boıynsha Qazaqstanda 39,5 mlrd teńgeni quraıtyn 6 857 jańa avtokólik (jeńil, júk, avtobýs, arnaıy kólikterdi qosa alǵanda) shyǵaryldy. Bul týraly «QazAvtoÓnerkásip» avtokólik salasyndaǵy kásiporyndar odaǵy málim etti, dep habarlaıdy QazAqparat.
«Jelik kólikter óndirisi 2,1 esege artyp, 6 494-ke jetti. Onyń ishinde 4 411-i «AZIıA AVTO» AQ-ǵa, 2 083-i «SaryarqaAvtoProm» JShS-ǵa tıesili», - delingen taratylǵan málimette.
Esepti kezeńde avtobýs tehnıkasyn (44) shyǵarý bir jyl burynǵy kórsetkishten 1,6 esege joǵarylady. Al júk kólikterin (177) jasaý deńgeıi 6 paıyzǵa, mamandandyrylǵan avtotehnıka (29) 81,3 paıyzǵa artty.
Tek 2018 jyldyń naýryz aıynda qazaqstandyq kásiporyndardyń konveıerlerinen 2 580 avtokólik quraldary shyqty. 2017 jyly sáıkes kezeńde 1 222 kólik qurastyrylǵan bolatyn.
«Birinshi toqsannyń qorytyndysy boıynsha, otandyq avtozaýyttar 5 396 kólikti ótkizip, osy kórsetkish byltyrǵy jylmen qaraǵanda 2 esege joǵary boldy. Esepti kezeńde el turǵyndary qazaqstandyq jańa jeńil kólikterdi satyp alýǵa 26,2 mlrd teńge ($81,2 mln) jumsady», - delingen habarlamada.
Qańtar-naýryzda Qazaqstanda qurastyrylǵan jeńil kólikterdiń arasynda suranysqa ıe brendterdiń bestigine Lada (2 556), Hyundai (1 143), KIA (530), Ravon (305) jáne JAC (259) endi. Otandyq kásiporyndar usynatyn markalardyń tiziminde Chevrolet (177), Skoda (68), Peugeot (42), SsangYong (4 ) bar ekenin atap ótken jón.
І toqsanda 1 306 avtomobıl jeńildikti avtonesıeleý membaǵdarlamasy qatysýshylarymen satyp alyndy.
