Qazaqstandyqtar qandaı gazet-jýrnaldardy jıi oqıdy
NUR-SULTAN. QazAqparat - Qazaqstanda gazet-jýrnalǵa jazylýdyń jalpy kólemi - 108 363 590 dana. 2019 jyldyń 9 aıynyń qorytyndysy boıynsha derekter osyndaı, dep habarlaıdy QazAqparat Qazposhtaǵa silteme jasap.
Respýblıkalyq gazetterdiń úzdik bestigine «Egemen Qazaqstan», «Jas Alash», «Ana tili», «Kazahstanskaıa pravda» jáne «Uıǵyr avazı» basylymdary kirdi. Aımaqtyq kóshbasshylar arasynda – «Jetisý», «Aqtóbe», «Ognı Alataý», «Aq Jol», «ıÝjnyı Kazahstan» gazetteri bar.
«El boıynsha barlyǵy 204 respýblıkalyq jáne 521 aımaqtyq gazet jazylym boıynsha taratylady. Jazylýdyń jalpy kólemindegi respýblıkalyq basylymdardyń úlesi 45%-dy, óńirlik basylymdardyń úlesi - 54%. Tırajdyń 1% halyqaralyq merzimdi basylymdarǵa tıesili. Qazaqstandyqtar Qazaqstan, Reseı, Belarýs jáne Ýkraınanyń 3 myńnan astam gazet-jýrnalyna Qazposhta arqyly jazyla alady» delingen habarlamada.
Gazet-jýrnalǵa jazylý aýyldarda kóp tirkelgen: barlyq taralymnyń 73% aýylda. Aýyl turǵyndary oblystyq, qalalyq jáne aýdandyq basylymdarǵa jazylǵandy jón kóredi. Jazylý boıynsha Qazaqstan óńirleri arasynda Almaty, Qyzylorda, Qaraǵandy jáne Jambyl oblystary kósh bastap tur.
«Statıstıka jazylý tırajynyń tómendegenin kórsetti. Ótken jyl qorytyndysy boıynsha jazylýdyń jalpy kólemi 127,8 mln. danany qurady. Bıyl qarasha men jeltoqsan aılaryna jazylý áli jalǵasýda jáne jyl sońynda kórsetkishter shamaly ósedi. Biraq tutastaı alǵanda ótken jyldyń kórsetkishinen aspaıdy. Biz elektrondy basylymdarǵa kóshý –qazaqstandyq statıstıkany rastaıtyn jalpy álemdik trend ekenin túsinemiz» – deıdi «Qazposhta» AQ «Poshtalyq servıs» fılıalynyń dırektory Nurjan Jabaev.
Qazirdiń ózinde 2020 jylǵa jazylý bastalyp ketti. Baspasózge kez kelgen Qazposhta bólimshesinde jazylýǵa bolady.
