Qazaqstandyqtar qandaı depozıtterdi kóbirek tańdaıtyny belgili boldy
NUR-SULTAN. QazAqparat – Qazaqstandyq salymshylardyń 53 paıyzy uzaq merzimdi depozıt ashqan. Bul týraly QazAqparat Ranking.kz saıtyna silteme jasap habarlaıdy.
Tamyz aıynda otandyq bankterdegi salymdar kólemi 15,24 trln teńgeni quraǵan bolatyn. Bul byltyrǵydan 1,3 paıyzǵa az. Onyń ishinde el rezıdenti bolyp sanalmaıtyndardyń bólshek salym úlesi 57,2 paıyzǵa jetken. Bólshek salymnyń 87,3 paıyzy shuǵyl salymdarǵa tıesili. Mundaǵy teńgeniń úlesi 50 paıyzdan astam (7,6 trln teńge).
«Uzaq merzimdi salymda da teńgeniń úlesi basym. Qazaqstandyqtar 2,09 trln teńgeniń depozıtin ashqan. Degenmen, bul byltyrǵydan tómen. Jeke adamdardyń qysqa merzimdi depozıtteri 12,2 paıyzǵa artsa, uzaq merzimdi salymdar 2,4 paıyzǵa kemigen. Bul tendentsııamen kúresý úshin bankter túrli sharalar qabyldap jatyr. Qazaqstannyń depozıtterge kepildik berý qorynyń jańa erejesi boıynsha, depozıt syıaqylarynyń mólsherlemesi aı saıyn jarııalanyp turýy tıis. Mólsherlemeler tómendeýi múmkin degen boljamdar bar. Mundaı jaǵdaıda uzaq merzimdi depozıtter ózine ońtaıly mólsherlemeni jyl sońyna deıin saqtap qalý basymdyǵyna ıe», - dep jazady Ranking.kz.
Eske salsaq, Qazaqstannyń depozıtterge kepildik berý qory salymshylardyń depozıtterin óteý ýaqytyn qysqartqan bolatyn.
