Qazaqstandyqtar iri saýda nysandaryna maskamen ǵana kirgiziledi

NUR-SULTAN. QazAqparat - Іri saýda nysandaryna azamattar maskamen ǵana kirgiziletin boldy. Bul týraly búgin Ortalyq kommýnıkatsııalar qyzmetindegi brıfıngte QR Saýda jáne ıntegratsııa mınıstri Baqyt Sultanov aıtty, dep habarlaıdy QazAqparat tilshisi.

«Іri saýda nysandary mynadaı talaptardy saqtaýy tıis: óz aýmaqtaryna kelýshilerdi tek maskamen ǵana jiberýleri tıis. Kelýshilerde maska bolmasa tegin maska usynyp, koronavırýstyń aldyn alý boıynsha jadynama taratýlary qajet. Barlyq kirip-shyǵatyn esikterge teplovızorlar ornatýlary kerek», - dedi Baqyt Sultanov.

Onyń atap ótýinshe, iri saýda nysandary, onyń ishinde azyq-túlik bazarlary saǵat 10-nan 18-ge deıin, azyq-túlik emes taýarlar satatyn bazarlar saǵat 11-den 17-ge deıin jumys isteıdi.