Qazaqstandyqtar Internetti qandaı maqsatta paıdalanady
Zertteý nátıjesi 16 jastan asqan qazaqstandyqtardyń Internetti paıdalanýdaǵy minez-qulqy jaıynda túsinik qalypastyrýǵa septigin tıgizedi. Google kompanııasynyń tapsyrysy boıynsha álemniń 60-tan astam elimen qatar Qazaqstanda da júrgizilgen zertteýden el azamattarynyń ǵalamtorǵa ne úshin kiretindigin, bul rette qandaı qurylǵylardy jıi paıdalanatyndyǵyn bilýge bolady.
Sonymen, zertteý nátıjesinde qazaqstandyqtardyń 74 paıyzy Internetti jeke maqsatta paıdalanatyndyǵy anyqtaldy. Salystyrmaly túrde aıtar bolsaq, bul jahandyq deńgeıden 8 paıyzǵa tómen. Eń belsendi qoldanýshylar 25-34 jasta. Bul sanattaǵylar elimizdiń ınternet qoldanýshylarynyń 30 paıyzyn quraıdy. Al 35-40 jastaǵylardyń kórsetkishi - 20 paıyz. Elimizde erler de, áıelder de Internetti belsendi qoldanady. Genderlik turǵyda bul kórsetkish sáıkesinshe 47 jáne 53 paıyz. Bir qazaqstandyqqa Internetke qosylǵan 1,7 qurylǵydan keledi. Ortasha statıstıkalyq qazaqstandyq paıdalanatyn úsh negizgi devaıstar mynalar: smartfon (64 paıyz), noýtbýk (26), smart-teledıdar (10). Qazaqstandyqtar devaıstardy paıdalanýda da kósh ilgeri. Olardyń arsenalynda Internetke qosylatyn netbýk pen planshetter, elektrondy kitaptar, smart-saǵattar men trekerler bar.
2017 jyly 16 jastan asqan qazaqstandyqtardyń 58 paıyzy kompıýter men smartfondardy qoldana otyryp Internetten vıdeolar kórgen. Qazaqstandyqtardyń Internettegi minez-qulqy da jahandyq úrdispen saı keledi. Máselen, qazaqstandyq onlaın-paıdalanýshylardyń 72 paıyzy birinshi kezekte kóńilderin kóteredi, 75 paıyzy qajetti aqparattardy izdeıdi eken.
Aıta keterligi, bul zertteýler elimizde 2017 jyldyń 1 sáýiri men 30 maýsymy aralyǵynda júrgizilgen.