Qazaqstandyqtar Inchhondaǵy Azııa oıyndarynda 18 medal oljalady
ASTANA. QazAqparat - Qazaqstandyqtardyń 23 qyrkúıektegi Azıadaǵa qatysý qorytyndysyn Sports.kz jasady.
Búgin Ońtústik Koreıanyń Inchhon qalasyndaǵy Azııa oıyndaryna qazaqstandyqtar on tórt sport túri boıynsha qatysty. 23 qyrkúıektegi qatysý qorytyndysy boıynsha qazaqstandyq sportshylar 18 medal: 4 altyn, 4 kúmis jáne 10 qola júlde utty. «Altyndy» ıelengender: Margarıta Elıseeva (aýyr atletıka), Eldos Smetov (dzıýdo), traptan áıelder quramasy, Dmıtrıı Balandın (júzý). «Kúmis» júldege ıe bolǵandar: Zýlfııa Chınshanlo (aýyr atletıka), Maksım Rakov, erler quramasy (dzıýdo), Ekaterına Rýdenko (júzý). «Qola»: Aleksandra jáne Ekaterına Nemıch, áıelder quramasy (sınhrondy júzý), Andreı Mogılevskıı (stendtik atý), Lenarııa Mıngazova, Azamat Muqanov, Marııan Ýrdabaeva (barlyǵy - dzıýdo), qylyshtasýdan áıelder quramasy, shpagadan erler quramasy (ekeýi de semserlesý), áıelder quramasy (tennıs), Nursultan Tursynqulov (ýshý). Medaldar jıyntyǵy boıynsha Qazaqstan Qytaı, Ońtústik Koreıa men Japonııadan keıin tórtinshi oryndy alady.
