Qazaqstandyqtar ІІІ Azııa para oıyndarynan alǵashqy medaldardy ıelendi
ASTANA. QazAqparat - Jakartada ótip jatqan ІІІ Azııa para oıyndarynan elimizdiń qorjynyna alǵashqy 2 qola medal tústi, dep habarlaıdy QazAqparat tilshisi Qazaqstannyń ulttyq paralımpıada komıtetiniń feısbýk paraqshasyna silteme jasap.
Alǵashqy qola medaldi áıelder arasyndaǵy para paýerlıftıng boıynsha 66 keli salmaqta Alına Solodýhına oljalady.
Arasyn sýytpaı ekinshi qol medaldi 100 metrge parajúzýden Dmıtrıı Lı qanjyǵasyna baılady.
Bul týraly QR Ulttyq paralımpıada komıtetiniń atqarýshy dırektory Erlan Súleımenov te óz feısbýk paraqshasynda málim etti: «Indonezııadaǵy Azııa para oıyndarynan jaqsy jańalyq. Jarystyń alǵashqy kúni bizdiń atletter, parajúzýden Dmıtrıı Lı men para paýerlıftıngten Alına Solodýhına Qazaqstanǵa qola medal syılady. Sonymen qatar otyryp oınaý voleıbolynan toptyq irikteýde bizdiń komanda Irakty jeńdi. Endi toptan shyǵý jeńilge túsedi. Qarsylastar ońaıǵa soqpady», - dedi ol.
Aıta keteıik, 6-18 qazan kúnderi Jakartada ótip jatqan ІІІ Azııa para oıyndaryna elimizden sporttyń 9 túrinen, 91 parasportshy qatysýda.
