Qazaqstandyqtar «Halyqtyq IPO» baǵdarlamasynyń jalǵasyn tabýyna qyzyǵýshylyq tanytýda

dep habarlaıdy «Halyqtyq IPO» baǵdarlamasynyń resmı saıty.

www.halyk-ipo.kz portalynyń brokerler arasynda júrgizgen saýalnamasynyń nátıjesi kórsetkenindeı, ınvestorlar baǵdarlamanyń ekinshi qatysýshysy - «KEGOC» AQ aktsııalarynyń ornalastyrylýyn kútip júr.
«Bizdiń klıentterimizdiń kópshiligi «KEGOC» IPO-syna 2013 jyldyń kókteminde qatysamyz dep oılady, endi emıtent jańalyǵyn taǵatsyzdana kútip júr. «QazTransOıl» AQ aktsııasynyń tabysty ornalastyrylǵanyn eskerip, ınvestorlar osyndaı senimdi kompanııalarǵa ınvestıtsııa salǵysy keletinin aıtýǵa bolady. Bizdiń klıentter QTO aktsııalary baǵasynyń ósiminen de, dıvıdendten de paıda tapty», - deıdi «Asyl-Invest» AQ Bıznesti damytý departamentiniń dırektory Dınara Asambaeva.
Ol «Asyl-Invest» klıentteriniń jalpy alǵanda baǵaly qaǵazdar naryǵyna qyzyǵýshylyǵy artqanyna nazar aýdardy. «Kópshiligi qazaqstandyq kompanııalarǵa tek qyzmetter men jumys berýshilerdi usynýshylar retinde ǵana emes, sondaı-aq ınvestor, ıaǵnı tabysty eseleı alatyn óndirýshiler retinde qaraı bastady», - deıdi D.Asambaeva.
«BTA Sekıýrıtıs» Investıtsııa tartý bóliminiń basshysy Maksım Tolmachevtyń sózine qaraǵanda, kóptegen klıentter «Halyqtyq IPO-nyń kelesi kezeńine qatysýǵa daıyn ekenin bildirýde jáne kompanııaǵa habarlasyp, hat jazýda. Sonymen qatar qatysqysy keletinderdiń kópshiligi óńirlerden. «Halyqta basy artyq qarajat bar. Kóptegen ınvestorlar kúzdi mejege alyp, kelesi IPO-ny taǵatsyzdana kútip júr», - deıdi M.Tolmachev.
«Seven Rivers Capital» AQ Investıtsııa departamentiniń jetekshi ınvestıtsııalyq konsýltanty Sáken Óser «Halyqtyq IPO» baǵdarlamasyna qatysýshy kompanııalardyń aktsııalaryna sheteldik ınvestorlardyń da qyzyǵýshylyǵy artyp otyrǵanyn aıtady.

Esterińizge sala ketsek, baǵaly qaǵazdardyń bastapqy ornalastyrylýyna tek Qazaqstan azamattary ǵana qatysa alady, alaıda «Halyqtyq IPO» emıtent-kompanııalarynyń aktsııalaryn ekinshi naryqta nıet bildirgenderdiń bári satyp ala alady. Sarapshynyń pikirinshe, KASE-te eki jańa emıtenttiń paıda bolýy («KEGOC» jáne «Samuryq-Energo») aktsıonerlik kapıtaldy tartýǵa arnalǵan alań retinde bırjany barynsha qyzyqty jasaı almaıdy. «Biz memlekettik strategııalyq nysandardy jekeshelendirýge tyıym salynǵanyna qatysty quqyqtyq máseleler sheshiledi jáne «KEGOC» IPO-sy júzege asady dep oılaımyz. «KEGOC-tyń» erkin aınalymdaǵy aktsııalarynyń eń joǵary toptamasy shamamen 15% bolady dep oılaımyn», deıdi S.Óser.