Qazaqstandyqtar «Halyq únine qulaq asatyn memleket» qaǵıdatyna sene me - monıtorıng

NUR-SULTAN. QazAqparat – Qazaqstan azamattary «Halyq únine qulaq asatyn memleket» qaǵıdatynyń jumysyna qandaı baǵa beredi? Halyqtyń pikirinshe, memleket olardy estip jatyr ma? Atalǵan saýalnamaǵa qatysty nátıjeni QR Prezıdenti janyndaǵy Qazaqstan strategııalyq zertteýler ınstıtýty dırektorynyń orynbasary Alýa Joldybalına tanystyrdy, dep habarlaıdy QazAqparat tilshisi.

«Áleýmettik monıtorıng nátıjesi kórsetkendeı, saýalnamaǵa qatysqandardyń 69,9 paıyzy memleket halyq únine qulaq asady degen. ıAǵnı «Halyq únine qulaq asatyn memleket» qaǵıdasynyń jumys isteıtindigin aıtyp otyr. Al 33 paıyzy kerisinshe, memleket halyqqa qulaq aspaıdy degen pikirde. Bul degenimiz atalǵan qaǵıdanyń keıbir aımaqtarda áli de bolsa tolyqqandy júzege aspaı otyrǵanyn kórsetedi. Ótken jyldyń maýsym aıyndaǵy derektermen salystyrǵanda, osy kózqarasty ustanatyn respondentterdiń úlesi azaıǵan. «Halyq únine qulaq asatyn memleket qaǵıdatyna» qatysty oń baǵany kóbinese aýyl turǵyndary men tabysy joǵary azamattar berip otyr», - dedi Alýa Joldybalına.

Sondaı-aq ınstıtýt basshysynyń orynbasary aldaǵy ýaqytta áleýmettik monıtorıng taǵy júrgiziletinin aıtty.

«Qala turǵyndaryna kelsek, saýalnamaǵa qatysqan azamattardyń deni joǵarydaǵy aıtylǵan qaǵıdanyń jumysyna teris baǵa berdi. Olardyń jasy 46-dan asqan, al tabys deńgeıi tómen nemese ortasha tómen. Kóbinese Atyraý oblysy, Soltústik Qazaqstan oblysy jáne Almaty qalasynyń turǵyndary memleket halyq únine qulaq asa qoımaıdy dep boljaýda», - deıdi ol.

Buǵan deıin habardan etkenimizdeı, qazaqstandyqtardyń óz áleýmettik jaǵdaıyna qanshalyqty qanaǵattanatyndyǵyna qatysty monıtorıng jasaldy.