Qazaqstandyqtar ǵylymı-tehnıkalyq damýy jónindegi zań jobasyn talqylaýǵa qatysa alady

NUR-SULTAN. QazAqparat - QR Tsıfrlyq damý, ınnovatsııalar jáne aeroǵarysh ónerkásibi mınıstrligi eldiń ınnovatsııalyq jáne ǵylymı-tehnıkalyq damýyna qatysty zań jobasyn ázirledi, dep habarlaıdy QazAqparat tilshisi.

«Qazaqstan Respýblıkasynyń keıbir zańnamalyq aktilerine Innovatsııalyq jáne ǵylymı-tehnıkalyq damý máseleleri boıynsha ózgerister men tolyqtyrýlar engizý týraly» zań jobasy eldegi ınnovatsııalyq belsendilikti arttyrýǵa, sondaı-aq otandyq ázirleýshilerdi qoldaýdyń tıimdi ekojúıesin qalyptastyrýǵa baǵyttalǵan.

Sarapshylardyń pikirinshe, ınnovatsııalardy qoldaý sapaly jańa deńgeıge shyǵýy úshin osy baǵyttaǵy qoldanystaǵy normalardy, onyń ishinde ınnovatsııalyq qyzmetti yntalandyrý men kótermeleýge qatysty normalardy ózektendirý mańyzdy. Bul rette jumysta halyqaralyq tásilderdi qoldaný jáne memlekettik ınnovatsııalyq saıasatty úılestirýdi kúsheıtý mindetti ólshemder bolyp tabylady.

Joba normalary qabyldanǵan jaǵdaıda negizgi ózgerister men jańalyqtar tehnologııalyq platformalardy qalyptastyrý, korporatıvtik ınnovatsııalardy, venchýrlik kapıtal naryǵyn damytý, startaptar men ınnovatsııalyq kompanııalardy yntalandyrý, ǵylymı jáne ǵylymı-tehnıkalyq qyzmet nátıjelerin kommertsııalandyrýdyń tıimdiligin arttyrý jáne memlekettik saıasatty iske asyrýdy ınstıtýtsıonaldyq kúsheıtý sııaqty baǵyttarda iske asyrylady.

Zań jobasyn ázirleýge Zańdy jobalaý qyzmeti máseleleri jónindegi vedomstvoaralyq komıssııa otyrysynyń hattamasymen maquldanǵan saraptama qoǵamdastyǵynyń ondaǵan ókili qatysty, nátıjesinde 160-qa jýyq zańnamalyq norma qalyptastyryldy.

Qazaqstandyqtardyń talqylaýǵa qatysýy úshin bul normalar «Ashyq derekter» portalynda ornalastyrylǵan. Zań jobasy boıynsha usynystar portal arqyly 15 qyrkúıekke deıin qabyldanady. Zań jobasynyń tujyrymdamasymen myna siltemeden tanysýǵa bolady.