Qazaqstandyqtar Grýzııadaǵy halyqaralyq ekstremaldar estafetasyna qatysady

Stepantsmındy taýly aımaǵynda bizdiń sportshylarymyz kúrdeli marshrýtty ıgerýi tıis. Ger Get It jarysynda qatysýshylarǵa Tergı ózeninen qaıyqpen júzip ótý, jartasqa shyǵý, velosıpedpen taýda jarysý, Gergetı shyńyna júgirip shyǵý tárizdi syndardan ótýge týra keledi, dep habarlaıdy sports.kz.

Elimizdiń quramasy kásibı sportshylardan quralǵan. Atap aıtqanda, onyń quramynda esý slalomy sportynyń sheberi Ivan Novıkov, týrnır jeńimpazy velosıpedshi ıÝrıı Shkerdın, Elbrus Race halyqaralyq jarystar jeńimpazy Aggeı Skopın men On sight marathon saıystarynyń júldegeri Dmıtrıı Lınnık bolmaq. Saıyskerler qazaqstandyqtardyń zor qoldaýy olardyń dodanyń bas júldesi - 1500 evro kólemindegi aqshalaı syılyqty utyp alýǵa septigin tıgizedi, dep úmit artady.