Qazaqstandyqtar grek-rım kúresinen jastar arasyndaǵy Azııa chempıonatynda úzdik úshtiktiń qatarynda kele jatyr
ALMATY. 1 maýsym. QazAqparat - Almatyda jastar arasynda ótip jatqan Azııa chempıonatynda elimizdiń grek-rım kúresi sheberleri asa aýyr salmaqta júldesiz qaldy.
Bıyl jastar arasyndaǵy el chempıonatynda qarsylas shaq keltirmegen pavlodarlyq Erkin Sháıkenov úndistandyq balýanǵa (1:0, 1:0) ese jiberip, jarys jolynan erte shyǵyp qaldy. Endi aǵa bapker Nurym Dúısenov úmit artqan ulttyq 50 kelidegi Asqar Saltebaev qurama qorjynyna sońǵy medaldi qosý úshin óz baǵyn synap kóredi.
Keshe jarystyń alǵashqy kúni 8 salmaqtyń altaýy boıynsha qurlyq chempıondary men júldegerleri anyqtalǵan bolatyn. . Onda qazaqstandyqtardan Azamat Qustybaev (74 kg) altyn, Mıhaıl Izotov (96 kg) pen Jánibek Qandybaev (66 kg) kúmis, al Tımýr Tashmaǵambetov (84 kg), Dastan Óskenbekov (55 kg), Danııar Kálenov (60 kg) qola medaldiń ıesi atandy. Qazir beıresmı komandalyq esepte 3 sportshysy Azııa chempıony atanǵan ırandyqtar kósh bastap kele jatyr, Odan keıingi orynda bir-bir chempıony bar Qazaqstan, Ózbekstan, Tájikstan komandalary kele jatyr.
