Qazaqstandyqtar grek-rım kúresinen jastar arasyndaǵy Azııa chempıonatynda 2 altyn, 3 kúmis, 3 qola medal oljalady
ALMATY. 2 maýsym. QazAqparat - Almatyda jastar arasynda ótip jatqan Azııa chempıonatynda qazaqstandyq grek-rım kúresi sheberleri komandalyq esepte Iran quramasynan keıingi 2-oryndy aldy.
Bul baıraqty básekede ırandyqtardyń - 4, qazaqstandyqtardyń - 2, ózbekstandyqtar men tájikstandyqtardyń bir-bir balýany Azııa chempıony atandy. Atap aıtqanda 31 mamyr men 1 maýsym kúni ótken saıys kezinde ırandyqtardan Mardanı Mehrdad (55 kg), Zaıdvand Mehdı (66 kg), Naýrozı Saman (96 kg), Rorshaıkh Mehdı (120 kg), qazaqstandyqtardan Asqar Saltebekov ( 50 kg) pen Azamat Qustybaev (74 kg), ózbekstandyqtpardan Bobırbek Zaılobıdınov (60 kg), tájikstandyqtardan Manýsýehr Alaev (84 kg) óz eliniń ánuranynyń shyrqalýyna qol jetkizdi.
