Qazaqstandyqtar Gonkongta sybaılas jemqorlyqqa qarsy daıyndyqtan ótedi
QR Gonkongtaǵy Bas konsýldyǵynyń kómegi arqyly uıymdastyrylǵan sapardyń negizgi maqsaty - sybaılas jemqorlyqqa qarsy is-qımyl boıynsha SAÁA-nyń biregeı tájirıbesin zerdeleý, quqyq qorǵaý jáne halyq arasynda bilim berý men aldyn alý praktıkasynda qoldanylatyn Gonkongtaǵy sybaılas jemqorlyqqa qarsy táýelsiz komıssııasynyń (SJQT) qyzmetimen tanysý boldy.
Іssapar barysynda qazaqstandyq delegatsııa SJQT komıssary Saımon Pe ıÝn-Lýmen jáne negizgi departamentterdiń jetekshilerimen sondaı-aq, komıssııadaǵy jedel saraptamalyq oqý bólimsheleriniń ókilderimen kezdesti.
Gonkong tarapy memlekettik apparattyń ashyqtyǵyn arttyrý, memlekettik qyzmetti jetildirý jáne sybaılas jemqorlyqqa qarsy is-qımyl jónindegi Qazaqstanda qabyldanǵan sharalar týraly habardar boldy.
Óz kezeginde, Gonkong quqyq qorǵaý organdary memlekettik apparattardaǵy sybaılas jemqorlyqty azaıtýǵa qalaı qol jetkizgenin, kóptegen jyldar boıy jemqorlyqqa qarsy halyqaralyq reıtıngterdiń joǵary deńgeıin saqtap qalýǵa múmkindik beretin Táýelsiz komıssııanyń damýynyń negizgi basymdyqtaryn aıtyp berdi. (2017 jyly «Transparency International» jemqorlyqty qabyldaý ındeksi boıynsha Gonkong 77 upaımen 13-shi oryndy ıelengen bolatyn).
Qazaqstan men Gonkongtyq tájirıbelerdi mysalǵa keltire otyryp jemqorlyqqa qarsy qyzmettiń ókilderi sybaılas jemqorlyqpen kúresýde taraptar qoldanatyn zańnamalyq, jedel-izdeý, aldyn alý jáne yntalandyrý sharalary týraly pikir almasty.
Kelissózder qorytyndysyna sáıkes, Gonkongtaǵy jemqorlyqqa qarsy is-qımyl jáne halyqaralyq bilim berý ortalyǵy kesheninde Qazaqstan Respýblıkasynyń quqyq qorǵaý organdarynyń qyzmetkerleri úshin vedomstvoaralyq negizde oqytý kýrstary men trenıngter ótkizý týraly kelisimge qol jetkizildi.