Qazaqstandyqtar fýtboldan ECh-2016 irikteý matchy men Denıs Tenniń Álem chempıonatyndaǵy óner kórsetýin tikeleı efırden tamashalaı alady
ASTANA. QazAqparat - 28 naýryz, senbi kúni «Qazaqstan» telearnasy birqatar mańyzdy sport jarystaryn tikeleı efırden kórsetpekshi. Bul týraly «Qazaqstan» respýblıkalyq teleradıokorporatsııasynyń baspasóz qyzmetinen habarlady.
28 naýryz kúni 2016 jylǵy Eýropa chempıonatynyń irikteý kezeńi sheńberinde fýtboldan Qazaqstan quramasy Islandııa komandasyn óz alańynda qabyldaıdy.
Alǵashqy úsh oıynda jeńiske jetken Islandııa quramasy qazirgi kezde A tobynda ekinshi orynda tur. Kórsetilim ýaqyty - 20.40-ta.
Sondaı-aq, 28 naýryz kúni qazaqstandyq mánerlep syrǵanaýshy, QR eńbek sińirgen sport sheberi, 2014 jylǵy Qysqy Olımpıada oıyndarynyń qola júldegeri, 2013 jylǵy mánerlep syrǵanaý boıynsha Álem chempıonatynyń kúmis júldegeri, 2015 jylǵy Tórt qurlyq týrnıriniń chempıony Denıs Ten mánerlep syrǵanaý boıynsha Álem chempıonaty sheńberinde Shanhaıda óner kórsetedi. Kórsetilim ýaqyty - 15.35.
