Qazaqstandyqtar «Evrovıdenıe-2016» baıqaýyn tikeleı efırden kóredi
ALMATY. QazAqparat - Bıyl qazaqstandyqtar «Evrovıdenıe-2016» án baıqaýyn tikeleı efırden kóretin boldy.
«Habar» arnasy Stokgolmde ótetin aıtýly mádenı sharanyń onlaın translıatsııasyn qaıta jańǵyrtpaq. Kórermender baıqaýdyń 2 jartylaı fınaly (mamyrdyń 10-nan 11-ine, 12-13-ne qaraǵan túni) men fınalyna (14-inen - 15-ine qaraǵan túni) kýá bolatyn boldy.
Aıta ketý kerek, bıyl baıqaý 60-shy ret ótkizilip otyr. Mereıtoılyq sharany 180 mln kórermen tamashalaıdy degen boljam bar.
Bıyl 43 ánshi baǵyn synaıdy.
«Bıyl qańtarda biz Eýropa taratý odaǵyna múshe bolyp qabyldandyq. Sondyqtan, biz retranslıatsııalaý quqyǵyn alyp otyrmyz. Qazaqstandyq kórermender de aıtýly án dodasyn asyǵa kútip júrgenin bilemiz», - dedi «Habar» baǵdarlamalyq dırektory Sandýǵash Rahymjanova.
