Qazaqstandyqtar endi eki shet memleketke vızasyz saparlaı alady

ASTANA. QazAqparat – Qazaqstandyqtar Nıkaragýaǵa 30, al Domınıkan Respýblıkasyna 60 kúnge vızasyz bara alady. Mundaı bastama Úkimettiń ashyq talqyǵa shyǵarylǵan qaýlysynda kórsetilgen, dep habarlaıdy QazAqparat tilshisi.

«Jaramdy jol júrý qujattary bar QR azamatynan Nıkaragýa Respýblıkasyna 30 kúnnen aspaıtyn ýaqytqa bir nemese birneshe ret barǵanda, tranzıtpen ótkende jáne ýaqytsha bolǵan kezde olarǵa vızalyq talaptar qoılmaıdy. Kútpegen jaǵdaılarǵa (tabıǵı apat, aýrý jáne t.b.) tap bolǵan azamat dáldeme qujattary negizinde Nıkaragýa Respýblıkasynyń aýmaǵynda bola turýǵa ruqsat alýy tıis», - delingen qaýlyda.

Al Nıkaragýa Respýblıkasyna qyzmet babymen baratyn azamattardan vıza talap etiledi. Sonymen qatar, Úkimettiń tıisti qaýlysyna sáıkes, qazaqstandyq týrıster endi Domınıkan Respýblıkasyna da60 kúnge vızasyz bara alady. Aıta keteıik, atalǵan eki memlekettiń azamattary da joǵaryda kórsetilgen talaptardy saqtaı otyryp, bizdiń elimizde belgilengen ýaqytqa vızasyz keledi.

Mundaı kelisimder 2022 jyly 21 qyrkúıekte Nıý-Iork qalasynda (AQSh) ótken taraptar kezdesýinde maquldanǵan.

Qujattardy ashyq talqylaý 10 qarashaǵa deıin jalǵasady.

Foto: curtamais.com.br