Qazaqstandyqtar endi «Bank of America» korporatsııasynyń aktsııalaryn Qazaqstan qor bırjasynan teńgege satyp ala alady
ALMATY. QazAqparat - Qazaqstandyqtar endi «Bank of America» korporatsııasynyń aktsııalaryn Qazaqstan qor bırjasynan teńgege satyp ala alady. Bul týraly búgin Almatyda ótken baspsóz máslıhatynda Qazaqstan qor bırjasynyń vıtse-prezıdenti Idel Sábıtov málimdedi.
Onyń aıtýynsha, qazir saýda jaqsy júrip jatyr.
«Saýda 4 mamyr kúni ashylǵan bolatyn. Ázirge aktsııalar 6 mıllıon teńgege satylyp ketti. Árbir aktsııanyń ortasha baǵasy - 2700 teńge. Sonyń ózinde belsendilik reıtıngi boıynsha aktsııa eki aptanyń ishinde jetinshi orynǵa kóterildi», - dedi ózi sózinde Idel Sábıtov.
Qazaqstan qor bırjasyna sheteldik kompanııanyń qundy qaǵazdaryn tuńǵysh ret «Frıdom Fınans» AQ ornalastyryp otyr.
«Biz bul jobany qazaqstandyq klıentter úshin jasadyq. Biz tıisti zańnamalarǵa ózgeris engizilgen soń, halyqaralyq qor bırjalarynda satylyp júrgen iri kompanııalardyń aqtsııalaryn elimizge ákelýge múmkindik aldyq. Eń alǵashqy qadam - bul osy «Bank of America» qarjy korporatsııasynyń aktsııalary boldy. Óıtkeni bul álemdegi iri qarjylyq uıym. Amerıkanyń jınaq bankisi dese de bolady. Endi árbir qazaqstandyq azamat Qazaqstan qor bırjasyna kelip, qazaqstandyq depozıtarııge aqsha salyp, bir kúnniń ishinde sheteldik kompanııanyń aktsııasynyń ıegeri bolyp shyǵady. Al keıin, qalasa olardy dollarǵa sata alady», - dedi óz sózinde «Frıdom Fınans» AQ bas dırektory Tımýr Týrlov
Jalpy, «Bank of America» korporatsııasynyń Qazaqstan qor bırjasyndaǵy portfeli 1,5 mıllıon dollarǵa baǵalanyp otyr.
