Qazaqstandyqtar eń úzdik otandyq estrada oryndaýshylary men mýzykalyq topty tańdaıdy (FOTO)
ASTANA. QazAqparat - «Qazaqstan» teleradıokorporatsııasynyń resmı saıtynda «Sahna juldyzy» júldesine úmitkerlerge ashyq daýys berý bastaldy.
«Sahna juldyzy» júldesi qazaqstandyqtardyń pikirinshe otandyq estradanyń jaryq juldyzdary bolyp tabylatyn ánshiler úshin taǵaıyndalǵan bolatyn. Halyqtyń daýys berýi arqyly sahna sheberleri «Oryndaýshy» (er adam), «Oryndaýshy» (áıel adam) jáne «Ujym» atty úsh kategorııa boıynsha baǵalanady. Dál osy resýrsta daýys berý barysyn baqylap, aldyn ala qorytyndylardy bilýge bolady. 4 maýsym kúni túste ınternet keńistigindegi daýys berý toqtatylady. Daýys berý qorytyndylary is-shara barysynda jarııalanatyn bolady.
Esterińizge sala keteıik, 4 maýsym kúni saǵat 19.00-de «Astana Arena» stadıonynyń alańynda tanymal ártister men ujymdar qatysatyn iri kontsert - open-air ótedi. Olardyń arasynda: KeshYOU, MuzArt, Qaırat Túntekov, Lýına, Serik Ibragımov jáne t.b. bolady.
Kelesi kúni, 5 maýsymda «Astana Arenaǵa» jyl saıynǵy MýzTV televızııalyq júldesiniń qonaqtary jınalady. MýzTV saltanaty Sankt-Peterbýrgtegi «Olımpııskıı» jáne Muz saraıynan keıin alǵash ret 30 myńdyq kórermenge arnalǵan «Astana Arena» stadıonynda ótkiziledi. Bul jyly is-sharaǵa qatysýǵa: Dıma Bılan, Sergeı Lazarev, Valerıı Meladze, Grıgorıı Leps, Anı Lorak, Nıýsha jáne t.b. ánshiler kelisimderin berdi. Bul oqıǵany «Qazaqstan» telearnasynyń tikeleı efırinen kórýge bolady.
