Qazaqstandyqtar eń kóp hat joldaıtyn elder anyqtaldy
ALMATY. QazAqparat - «Qazposhta» Aktsıonerlik qoǵamy «QazAqparat» HAA joldaǵan resmı saýalǵa jaýap bere otyryp, qazaqstandyqtar eń kóp hat jazatyn TOP-10 eldi atady.
Resmı málimetke súıensek, qazaqstandyqtar 2016 jyly eń kóp hatty Reseıge joldaǵan - 541 myń. Ekinshi orynda Qytaı tur, bul elge otandastarymyz 102 myń hat jóneltken. Al Sıngapýrǵa byltyr 90 myń hat jiberilgen. Qazaqstannyń iri ınvestory Nıderlandyǵa salystyrmaly túrde aıtqanda óte az, ıaǵnı, 40 myń hat joldanypty.
Gonkongqa 16 myń hat barsa, Germanııaǵa - 10 myń, Ýkraınaǵa - 10 myń, Anglııaǵa - 5 myń, Belarýs eline 4 myń hat jazylǵan.
