Qazaqstandyqtar elorda kúnine oraı tórt kún demalady

ASTANA. QazAqparat – Eńbek jáne halyqty áleýmettik qorǵaý mınıstrligi 2023 jylǵy demalys kúnin aýystyrý týraly qaýly jobasyn daıyndady. Atalǵan qujatqa sáıkes, elorda kúnine oraı qazaqstandyqtar tórt kún qatarynan demalmaq, dep habarlaıdy QazAqparat.

«Demalys kúni 2023 jylǵy 1 shilde senbiden 7 shilde jumaǵa aýystyrylady. Qaýly resmı jarııalanǵan kúnnen keıin kúntizbelik on kún ótken soń qoldanysqa engiziledi», - delingen qujat mátininde.

Sondaı-aq, mınıstrlik qujatynda QR Eńbek kodeksiniń 85-babynyń 3-tarmaǵyna sáıkes mereke kúnderi jáne kodekstiń 84-babynyń 5-tarmaǵynda kózdelgendeı jumys ýaqytyn utymdy paıdalaný maqsatynda Úkimettiń demalys kúnderin basqa jumys kúnderine aýystyrýǵa bolatyndyǵy aıtylǵan.

Atalǵan ózgerister memleket bıýdjetinen qarjy talap etpeıdi. Sonymen qatar qaýly jobasyn qabyldaýdyń áleýmettik-ekonomıkalyq turǵydan keri áseri joq nemese quqyqtyq saldarǵa ákep soqpaıdy.

ıAǵnı, bes kúndik jumys aptasynda qazaqstandyqtar tórt kún qatarynan demalady: 6,7,8,9 shilde. Aptanyń alty kúni jumys isteıtin azamattar 6,7 jáne 10 shilde kúni demalady.

Qaýly jobasyn ashyq talqylaý 15 naýryzǵa deıin «Ashyq NQA» portalynda jalǵasady.