Qazaqstandyqtar elektrondy úkimet portaly arqyly vaktsına saldyrýǵa ótinim bere alady
«8 sáýirden bastap Densaýlyq saqtaý mınıstrligi elektrondy úkimet portaly arqyly vaktsınatsııaǵa jazylý qyzmetin iske qosýdy josparlap otyr», - dedi Alekseı Tsoı Ortalyq kommýnıkatsııalar qyzmetindegi brıfıng barysynda.
Onyń atap ótýinshe, ol úshin azamattar elektrondy úkimet portalynda tirkelip, ótinim berýi qajet. Sonymen qatar tirkelgen meken jaıy boıynsha medıtsınalyq uıymdy kórsetýi kerek. Osydan keıin ótinim medıtsına uıymdarynyń qaraýyna túsedi. Ótinim qaralǵannan keıin medıtsınalyq uıym vaktsına salynatyn ýaqytta kórsetý arqyly ony bóledi.
Joǵaryda atalǵan is-sharalar aıaqtalǵan soń ótinim bergen azamat elektrondy úkimet portalynan vaktsına saldyrý úshin medıtsınalyq uıymǵa qaı kúni jáne qaı ýaqytta barýy qajettigin bile alady. Mundaı habarlandyrý azamatqa SMS habarlama arqyly da jiberiledi.