Qazaqstandyqtar elektr jaryǵy úshin azyraq tóleıtin bolady - QR UEM
ASTANA. QazAqparat - QR Ulttyq ekonomıka mınıstrligi elektr energııasynyń tarıfterin tómendetýde.
Vedomstvonyń baspasóz qyzmetinen habarlanǵandaı, QR UEM-niń Tabıǵı monopolııalardy retteý jáne básekelestikti qorǵaý komıtetiniń aımaqtyq departamentteri «KEGOC» AQ, REK-ter, energııa taratýshy uıymdardyń elektr energııasynyń qazirgi tarıfteri men energııamen qamtamasyz etýshi uıymdardyń baǵalaryn qaıta qarastyryp otyr.
Baǵany tómendetý jumysy 2 kezeńmen júrgizilmek.
1-shi kezeńde «Ekibastuz MAES-1» JShS baǵasynyń 1 kVt úshin 8,80 teńgeden 8,65 teńgege deıin (qosymsha qun salyǵynsyz) tómendetýi arqyly elektr energııasymen qamtamasyz etýshi uıymdardyń sońǵy baǵasy tómendetiledi.
2-shi kezeńde «KEGOC» AQ, REK-ter, energııa taratýshy uıymdardyń tarıfteri tómendetiledi.
Naýryz aıynda paıdalanylǵan elektr energııasy úshin túbirtekterde esep tómendetilgen tarıftermen júrgiziletini kútilip otyr.
