Qazaqstandyqtar Elbasyna senetindikterin saılaý arqyly taǵy da dáleldedi - N. Kaıýpova
ALMATY. QazAqparat- Qazaqstandyqtar QR Parlamenti Májilisi men barlyq deńgeıdegi máslıhattar saılaýynda «Nur Otan» partııasyna daýys bere otyryp, Elbasyna senetindikterin taǵy da dáleldedi. Bul týraly búgin «QazAqparat» tilshisine bergen suhbatynda QR eńbek sińirgen qaıratkeri, medıtsına ǵylymdarynyń doktory, professor, Respýblıkalyq áıelder jónindegi keńestiń tóraıymy Nına Kaıýpova málim etti.
«QR Prezıdenti - Ult kóshbasshysy Nursultan Nazarbaevty «Nur Otan» partııasynyń aıqyn jeńisimen shyn júrekten quttyqtaımyn! Qazaqstandyqtar Elbasyna senetindikterin, onyń saıası sheshimderin qoldaıtyndyqtaryn saılaý arqyly taǵy da dáleldedi. Bul saıası sheshimder eldi turaqty damytýǵa baǵyttalǵan. Otandastarymyz Qazaqstannyń myqty táýelsiz memleket bolyp qalyptasýyn Nursultan Ábishulynyń esimimen baılanystyrady. Qoǵamda áleýmettik turaqtylyq pen beıbitshilik ornaǵany - Prezıdenttiń eń basty saıası jaqsylyqtarynyń biri dep bilem. Búginde árbir qazaqstandyq otbasy bolashaqqa senimmen qaraıdy, ulttyq salt-dástúrlerdi joǵary baǵalaıdy.
«Ult jospary» - 100 naqty qadamda óskeleń urpaqty patrıottyq rýhta tárbıeleý jáne urpaq sabaqtastyǵy jaqsy kórinis tapqan. Meniń dáriger retinde aıtarym, Elbasynyń barlyq Joldaýlarynan kez-kelgen qıyndyqty eńsere alatyn salamatty da bilimdi ultty qalyptastyrýǵa baǵyttalǵan ıdeologııany baıqaımyn. Sondyqtan, biz - qazaqstandyq áıelder, Elbasynyń qashanda qoldaýshylary bolyp qala beremiz», - dedi N. Kaıýpova.
