Qazaqstandyqtar el ishinde qonys aýdarýdy azaıtty

Bul týraly búgin Astanada Statıstıka agenttiginiń tóraǵasy Álıhan Smaıylov málim etti.

«2012 jyly qańtar-qyrkúıeginde el ishinde qonys aýdaratyn kóship-qonýshylar sany 4394 adamǵa nemese 1,7%-ǵa azaıdy jáne 261647 adamdy qurady», - deıdi ol.

Aýqymy jaǵynan qazaqstandyqtar Astana (15658 adam) jáne Almaty (5124 adam) qalalaryna jáne Almaty oblysyna (5354 adam) kóp qonystanǵan.

Elimizge syrttan keletin ımıgranttar sany da saıabyrsyǵan. 2012 jyly qańtar-qyrkúıeginde 2011 jyly qańtar-qyrkúıegimen salystyrǵanda, Qazaqstanǵa kelgender sany 4401 adamǵa, nemese 16,4%-ǵa azaıdy jáne 22465 adamdy quraǵan.