Qazaqstandyqtar djıý-djıtsýdan V álem chempıonatynda jalpykomandalyq esepte birinshi orynǵa shyqty

Bul jaıynda QazAqparatqa «Djıý-djıtsý Profı Faıt» ulttyq federatsııasynyń prezıdenti Dáýren Musa málim etti.

Onyń atap ótýinshe, Portýgalııada ótken baıraqty básekede kóptegen qazaqstandyq sportshylar birneshe dúrkin álem chempıony atanyp qaıtty. «Jattyqtyrýshylar quramynyń mol tájirıbesi men talantty jastarymyzdyń arqasynda álemdik sport qoǵamdastyǵynda qazaqsha djıý-djıtsý degen jańa túsinik paıda boldy», - dedi D.Musa.

Atalǵan federatsııasynyń vıtse-prezıdenti Qanat Tileýimbetovtiń atap ótýinshe, álem chempıonatyna elimizdiń barlyq óńirinen sportshylar barǵan.

«Chempıonatqa álemniń 23 elinen 100-den astam sportshy qatysty. Jarys nátıjesinde Qazaqstan 4 altyn, 5 kúmis jáne 5 qola medal jeńip aldy», - dedi ol.

Sonymen Rýslan Tezekbaev, Erlan Tileýimbetov, Qanat Jaqypbaev Áshim Qalı álem chempıony atansa, Baǵlan Sarekenov, Zamır Seksembaev, Maksım Konovalov, Mádı Dosmuhambetov, Anatolıı Dolgov kúmis júldeger atandy. Al qola medal Azamat Aqataev, Maqsat Buqabaev, Anatolıı Dolgov, Ýmar ıAnkovskıı jáne Nurhat Berdenovterdiń qanjyǵasyna baılandy.