Qazaqstandyqtar Dýbaıdaǵy robot tehnıkasy boıynsha jarysta júldeger atandy

ASTANA. QazAqparat - Qaraǵandylylyq  «STEAM RoboClub» komandasyna robot tehnıkasynan «RoboCup Azııalyq- Tynyq muhıt aımaǵy»  («RoboCup Asia-Pacific») boıynsha  ótken halyqaralyq básekege qatysýdyń sáti tústi. Olar  «RoboCup Junior OnStage» dárejesinde úshinshi oryn ıelendi. Bul týraly QR Tuńǵysh Prezıdentiniń Qory Facebook-te jazdy, dep habarlaıdy QazAqparat.

Bul joly jarys  5-7 jeltoqsan aralyǵynda bir ýaqytta Dýbaıda (BAÁ) jáne Kısh (Iran) aralynda uıymdastyryldy.

⠀Bizdiń komanda Dýbaı qalasynda baq synady. Olardyń qarsylastary Iran, Qytaı, BAÁ,Reseı, Sıngapýr jáne Ońtústik Koreıa  boldy.
⠀
Atap ótken jón, bul elimizdiń atalǵan jarysqa tuńǵysh ret qatysýy.