Qazaqstandyqtar dollar satyp alýdy azaıtty
ASTANA. QazAqparat - Qazaqstanda valıýta suranysqa ıeligin joǵaltýda. 2017 jylǵy qańtar-naýryzda aıyrbastaý pýnktterinde AQSh dollaryn ótken jylǵa qaraǵanda, nebári 1,2 paıyzǵa kóp satyp alǵan, - dep habarlady ranking.kz.
Naýryzda dollar satý $695,9 mıllıon dollardan 756,1 mln dollarǵa deıin artty. Jyl basynan bastap halyqqa dollar satý kólemi satyp alýdan 1,5 esege asty. Al ótken jyly kerisinshe dollardy 14 paıyzǵa kóbirek satyp alǵan.
2017 jylǵy qańtar-naýryzda halyq aıyrbastaý pýnktterinde $2,10 mlrd AQSh dollaryn satyp alǵan. Bul 2016 jylǵy qańtar-naýryzdaǵy kólemge qaraǵanda, 1,2 paıyzǵa tómen. Bul rette qazaqstandyqtar aıyrbastaý pýnktterine 2017 jylǵy 3 aıda 1,41 mlrd AQSh dollaryn satqan. Bul ótken jylǵy sáıkes kezeńmen salystyrǵanda, 2 esege az ($2,43).
Teńgege shaqqanda dollar baǵamy jyl basynan bastap 333,3 teńgeden naýryz sońynda 314,8 teńgege deıin tómendedi. 2016 jylǵy naýryzdan 2017 jylǵy naýryz aralyǵynda satylymnyń joǵary máni ótken jylǵy tamyzda tirkeldi - $972,3 mln, qarashada - $905,8 mln jáne jeltoqsanda - $910,3 mln.
