Qazaqstandyqtar damý jolyn tańdaýda qatelesken joq - Oral Muhamedjanov
; ALMATY. Mamyrdyń 21-i. QazAqparat /Erlik Erjanuly/ - Qazaqstan táýelsizdiktiń alǵashqy kúnderinen bastap quqyqtyq jáne demokratııalyq memleket pen erkin ekonomıka qurýǵa baǵyttaldy. Bul QR Parlament Májilisiniń tóraǵasy Oral Muhamedjanovtyń búgin Almatyda ótip jatqan «Qazaqstan Respýblıksasy: memlekettik qurylystyń tájirıbesi jáne áleýmettik-saıası jańarýdyń bolashaǵy» dep atalatyn halyqaralyq ǵylymı-tájirıbelik konferentsııaǵa qatysýshylarǵa joldaǵan quttyqtaýynda aıtyldy,
dep habarlaıdy QazAqparat.
Májilis tóraǵasynyń hatyn Halyqaralyq ister jáne qaýipsizdik komıtetiniń múshesi, saıasattaný ǵylymynyń doktory Erjan Isaqulov oqyp berdi. Oral Muhamedjanovtyń aıtýynsha, memlekettik basqarý júıesin tańdaýda qazaqstandyqtardyń qatelespegenin tarıh dáleldep berdi. Qysqa tarıhı ýaqyttyń ishinde biz ekonomıkalyq jaǵynan qýatty jáne qarqyndy damýshy memleket qurýǵa qol jetkize aldyq.
«Ult pen ulystar jáne dinder arasyndaǵy kelisim ishki saıasattyń ózegine aınaldy. Jańa memlekettik basqarýdyń sáýletin qurýǵa Prezıdenttik Respýblıka úlgisi paıdanyldy. Qazaqstannyń barlyq jetistigi eldiń Tuńǵysh Prezıdentiniń esimimen tikeleı baılansty», deıdi Májilis tóraǵasy Oral Muhamedjanov. Májilistegi «Nur Otan» HDP fraktsııasy jetekshisiniń paıymdaýynsha, ult kóshbasshysynyń sarabdal saıasatynyń arqasynda Qazaqstan álemdik qoǵamdastyqta tanymal elge aınaldy. Sondaı-aq EQYU sııaqty bedeldi uıymǵa tóraǵalyq jasaýda.
