Qazaqstandyqtar tsıfrlyq jeke kýálikti ishki turaqty reısterde paıdalana alady

NUR-SULTAN. QazAqparat - Qazaqstan Respýblıkasy Prezıdentiniń tapsyrmasyn oryndaý aıasynda Qazaqstan Respýblıkasynyń barlyq áýejaılarynda tsıfrlyq qujattar qyzmeti (eGov Mobile) engizildi. Bul týraly QazAqparat QR IIDM baspasóz qyzmetine silteme jasap habarlaıdy

Osy qyzmettiń arqasynda ishki reısterdegi jolaýshylar jeke málimetterin rastaý úshin eGov Mobile qosymshasy arqyly tsıfrlyq kýáligin kórsetýge múmkindik aldy.

Áýejaıda tsıfrlyq jeke kýálikti paıdalaný úshin eGov mobile-da avtorlandyrylǵan paıdalanýshy «tsıfrlyq qujattar» qyzmetine kirip, tizimnen jeke kýálikti tańdaý kerek. Áýejaıdyń tirkeý taǵanynda, sondaı-aq ushý aldyndaǵy tekserýden ótý kezinde servıste jasalǵan QR-kody bar smartfonnyń ekranyn kórsetý qajet.

Іshki reısterde tsıfrlyq jeke kýálikti paıdalaný múmkindigi qazaqstandyqtarda Indýstrııa jáne ınfraqurylymdyq damý mınıstrliginiń, Tsıfrlyq damý, ınnovatsııalar jáne aeroǵarysh ónerkásibi mınıstrliginiń, Azamattyq avıatsııa komıtetiniń, «Qazaqstannyń avıatsııalyq ákimshiligi» AQ- nyń, Qazaqstan Respýblıkasynyń áýe kompanııalary men áýejaılarynyń

jáne «lttyq aqparattyq tehnologııalar» AQ-nyń júıelerdi ıntegratsııalaý boıynsha birlesken jumysynyń arqasynda paıda boldy.