Qazaqstandyqtar tserebraldy sal aýrýymen aýyratyn sábılerdi emdeýge arnalǵan Gross trenajeryna ıe boldy
Y. Naýryzdyń 30-y. QazAqparat /Ádilet Musahaev/ - «Merı Keı (Qazaqstan) kompanııasynyń qaıyrymdylyq qoldaýymen Elimizde alǵash ret Respýblıkalyq «Balbulaq» balalardy saýyqtyrý ortalyǵynda tserebraldy sal aýrýymen aýyratyn sábılerdiń qımyl-qozǵalysyn saýyqtyrýǵa arnalǵan biregeı Gross trenajery ornatyldy.
Bul jaıynda búgingi ótken baspasóz máslıhatynda aıtyldy, dep habarlaıdy QazAqparat.
«Balbulaq» balalardy saýyqtyrý ortalyǵynyń dırektory, joǵary dárejeli dáriger Záýre Qurmanbekovanyń aıtýynsha bul qondyrǵylar arqyly TsSA men aýyratyn sábılerdi emdeý óte tıimdi. «Bizdiń dárigerler Grosstyń biregeı trenajeryn bile salysymen onyń bizde de bolýyna múmkindik jasap, «Merı Keı» kompanııasynyń demeýshiligine qol jetkizdik. Qurylǵylardy ornatyp, qazaqstandyq áriptesterine tájirıbe berý úshin Almatyǵa trenajerdyń avtory ıÝhan Artýrovıch Gross ózi keldi», deıdi Z.Qurmanbekova.
On jyldan astam ýaqyt boıy múgedek balalardy saýyqtyrý úshin sátti paıdalanylyp kele jatqan Gross trenajerynyń biregeıligi men jańalyǵy - tirek-qımyl apparatynyń qyzmeti arqyly aýrýdyń aýyr dertine shaldyqqanyn saýyqtyrý kezinde deneni tiginen qoıýmen qamtamasyz ete alatyndyǵynda.
«Qurylǵy motorıkany jáne tepe-teńdikti saqtaý qabiletin damytýǵa, sondaı-aq býyndardyń qozǵalmalyǵy men bulshyq etteriniń jumysyn yntalandyrýǵa baǵyttalǵan jattyǵýlardy oryndaýǵa múmkindik beredi. Osy ádistemeni qoldanǵannan keıin 90 paıyz jaǵdaıda buryn qımyldamaǵan balalardyń óz betimen qımyldaý belsendiligi artyp, olardyń 20 paıyzy júrýdi úırense, 80 paıyzy eńbektep, júrýge talpyna bastaıdy», deıdi ıÝ.Gross.
