Qazaqstandyqtar byltyr murajaıǵa 6,1 mln ret barǵan

ASTANA. QazAqparat - 2022 jyly Qazaqstan halqy murajaıǵa 6 097 myń márte barsa, 2021 jyly 5 104 myń ret bolǵan. Halyqaralyq murajaı kúnine oraı statbıýro osy mádenı mekemege barýshylar jaıly statıstıkalyq málimet usyndy, dep habarlaıdy QazAqparat.

Murajaıǵa barýshylardyń basym bóligi Túrkistan oblysynda – 1 492 myń kelýshi, odan keıin Astanada – 643 myń kelýshi jáne Shyǵys Qazaqstan oblysynda – 564 myń, barýshylardyń sany Shymkent qalasynyń mýzeılerinde eń az – 43 myń.

Bul rette Shymkent qalasynda murajaı sany da kóp emes – beseý.

Jalpy 2023 jyldyń 1 qańtarynda Qazaqstanda barlyǵy 271 murajaı jumys istese, bir jyl buryn onyń sany jeteýge kem bolǵan.

Murajaı sany boıynsha Túrkistan oblysy kósh bastap tur – 27 murajaı.

Aqtóbe oblysynda 20 murajaı jáne Almaty qalasy men Batys Qazaqstan oblysynyń árqaısynda 19 murajaıdan.

271 murajaıdyń 48-i – tarıhı, 109-y – ólketaný, 65-i – memorıaldyq, taǵy 14-i – qoryq murajaı, 11-i – ónertaný jáne basqa.

Aıta ketý kerek, 4 murajaı jekemenshik, qalǵany – memleket menshiginde.

Murajaılarda barlyǵy 2,6 mıllıon eksponat saqtaýly.