Qazaqstandyqtar burynǵysha aǵylshyn tilinde nashar sóıleıdi

ALMATY. QazAqparat - Almatyda EF English Proficiency Index (EF EPI) - túrli elderdegi eresek turǵyndardyń aǵylshyn tilin meńgerý deńgeıin anyqtaıtyn álemdegi iri reıtıng nátıjesi aıtyldy, dep habarlaıdy «QazAqparat» HAA tilshisi.

Bul zertteý jyl saıyn halyqaralyq Education First (EF) mektebinde ótkizilip, 72 memlekettiń 950 myń turǵynyn qamtıdy. Jahandyq saýalnamaǵa Qazaqstan da qatysty.

«Álemdik ekonomıkalyq turaqsyzdyq jaǵdaıynda aǵylshyn tilin meńgerý jumysqa ornalasýdyń múmkinshilikterin damytatyn ári nyǵaıtatyn dáleldengen daǵdylardyń biri bolyp tabylady. Memleketti nemese kompanııany bolashaqta aǵylshyn tildi kadrlarmen tolyqtyrý úshin kóptegen kúsh-qaırat pen ınvestıtsııa qajet. EF EPI osy máselelerdi sheshýge atsalysady  jáne til bilimin jetildirýge kómektesetin bilikti mamandardy jahandyq talqylaýǵa shaqyrady», - dep atap ótti EF ǵylymı zertteý dırektory Mıın N. Tran.

Kórsetkishterge súıensek, EF Education First-te jarııalanǵan EF aǵylshyn tilin meńgerý deńgeıin anyqtaıtyn testine sáıkes, gollandyqtar álemde ana tilderi bolmasa da, aǵylshyn tilin meńgerýden aldyńǵy orynda tur; danııalyqtar men shvedter odan keıingi oryndardy ıemdengen. Irak, Laos, Lıvııa elderi reıtıngtiń sońǵy jaǵynda.

Qazaqstan byltyrǵy kórsetkishtegideı, aǵylshyn tilin meńgerýden tómengi oryndy alǵan (54-shi oryn).

Aǵylshyn tilin meńgerý deńgeıi boıynsha Eýropa kósh bastap tur, bıylǵy jyldyń kórsetkishine sáıkes, sonyń ishindegi alǵashqy bestikti soltústikeýropalyq memleketter ıemdengen.

Aǵyshtyn tilin meńgerý deńgeıin ilgeriletetin elderge Frantsııa, Katar jáne Sıngapýr kiredi; kúrt quldyraý baıqalǵan elderge Irak, Japonııa jáne Perý jatady.

Malaızııa men Fılıppın elderimen qosa Sıngapýr da alǵash ret reıtıngtiń kósh basynan oryn aldy.  

Barlyq elderdegi ortasha kórsetkish boıynsha, aǵylshyn tilin 18-25 jas aralyǵyndaǵy jastar jetik meńgergen.