Qazaqstandyqtar Búkilálemdik áskerı oıynda bokstan 2 altyn, 2 kúmis medal jeńip aldy

NUR-SULTAN. QazAqparat – Qytaıdyń Ýhan qalasynda ótip jatqan VII Búkilálemdik áskerı oıynnan Qazaqstan qarýly kúshteriniń quramasy bokstan eki altyn, eki kúmis medalmen oraldy. Bul jóninde Qorǵanys mınıstrliginiń baspasóz qyzmetine silteme jasap QazAqparat habarlaıdy.

Birinshi altyn medaldi 49 kelige deıingi salmaqta óner kórsetken Temirtas Júsipov enshiledi. Áskerı sportshy fınalda Úndistandyq Dıpakty 5:0 esebimen jeńgen bolatyn.

Al 69 kelige deıingi salmaqta judyryqtasqan Aslanbek Shymbergenov fınaldy ózbek sportshysy Bılolbek Myrzarahymovty 5:0 esebimen tize búktirip, taǵy bir altyn medaldi qorjynǵa saldy.

Kúmis medal ıgereleri – Dilmurat Májıtov (-64 kg) pen Abzal Quttybekov (-91 kg).

Búkilálemdik áskerı oıynda el sportshylary jalpy 4 altyn, 3 kúmis jáne 5 qola medaldi jeńip alǵan.