Qazaqstandyqtar búginnen bastap 5 jasqa deıingi balaǵa temirjol bıletin resimdeıtin bolady
ASTANA. 1 sáýir. QazAqparat /Gúlmıra Álıakparova/ - 2011 jyldyń 1 sáýirinen bastap 5 jasqa deıingi balamen TMD men Baltyq elderine temirjol kólikterimen sapar shegetin qazaqstandyqtar, balalarǵa aqysyz (tegin) temirjol bıletterin resimdeýge mindetti.
«Jolaýshylar tasymaly» AQ-dan málim etkendeı, mundaı shara tólqujat-vızalyq rejimniń buzylýyn boldyrmaý, shekaralarda túsinispeýshilik jaǵdaılarǵa jol bermeý sondaı-aq, memlekettik shekarany kesip ótý kezinde jolaýshylardyń naqty sanyn bilý maqsatynda engizildi.
5 jasqa deıingi balanyń aqysyz (tegin) bıletteri týý týraly káýligin usyný arqyly resimdeledi. Atalmysh jasqa deıingi balalarǵa aqysyz bıletterdi resimdeý TMD, Grýzııa, Latvııa, Lıtva jáne Estonııa memleketteriniń temirjol ákimshileri arasynda jasalǵan Halyqaralyq jolaýshylar baǵyttary týraly kelisimge sáıkes júrgiziledi.
Jolaýshylar tasymaly kompanııasynan anyqtaǵandaı, Qazaqstan Respýblıkasynyń aýmaǵynda 7 jasqa deıingi balalarǵa aqysyz temirjol bıletteri resimdelmeıdi.
