Qazaqstandyqtar Brıýsseldegi jas pıanınoshylar konkýrsyna qatysýda
BRıÝSSELЬ. QazAqparat - Belgııa astanasynda qazaqstandyq mýzykantshylar «Merci, Maestro!» halyqaralyq jas pıanınoshylar konkýrsyna qatysady, dep habarlaıdy «QazAqparat» HAA menshikti tilshisi.
20-23 sáýir aralyǵynda ótetin shyǵarmashylyq festıval Brıýsseldegi P.I.Chaıkovskıı atyndaǵy mýzykalyq mekteptiń qoldaýymen uıymdastyryldy. Konkýrsqa 28 elden kelgen 19 jasqa deıingi 92 jas daryn ıeleri qatysady.
Festıvalde Qazaqstannyń atynan Qazaq ulttyq óner ýnıversıtetiniń tárbıelenýshileri Bıalı Bıkenov (7 jasar) men Mádına Tákeeva (19 jas), sondaı-aq Almatydaǵy «Altyn Tas» mýzykalyq shyǵarmashylyq ortalyǵynan Arına Lı (8 jasar) óner kórsetedi.
«Men mýzykamen 2 jyldan beri aınalysamyn. Bul men qatysyp jatqan úshinshi konkýrs. Brıýsselden basqa, Parıj jáne Rımde ótetin mýzykalyq jarystarǵa qatysýdy armandaımyn», - dedi Bıalı Bıkenov.
Ol konkýrstyń alǵashqy kezeńinde I.Bahtyń «Kishkentaı kirispe» (Malenkaıa prelıýdııa), M.Moshkovskııdiń «Etıýd №5» jáne Ǵ.Jubanovanyń «Ańyz» (Legenda) shyǵarmalaryn oryndady. Ekinshi kezeńde D.Kabalevskııdiń «Saıqymazaqtar» (Kloýny) jáne L.V.Bethovenniń bir sonatasyn oınady.
Qazaqstandyq Arına Lı P.Chaıkovskııdiń «Polıak» (Polka), Ǵ.Jubanovanyń «Ańyz» (Legenda), M.Moshkovskııdiń «Etıýd №1», I.Bahtyń «Inventsııa» jáne K.Seıksastyń «Tokkatý fa mınor» shyǵarmalaryn kórermender nazaryna usynady. Mádına Tákeeva óz kezeginde I.Bahtyń «Kirispe men fýga» (Prelıýdııa ı fýga), F.Shopenniń «Etıýd №6», L.Bethovenniń «Sımfonııa №3», F.Shopenniń «Ballada №1» jáne M.Roveldiń «Kýperenniń mazary» (Grobnıtsa Kýperena) shyǵarmalaryn oryndaıdy.
Uıymdastyrýshylar atap ótkendeı, konkýrstyń fınalısterine olardyń ary qaraı bilim alýyna qoldaý kórsetiledi, al jeńimpazdarǵa tanymal pıanınoshylardyń sheberlik-synyptaryna qatysýǵa arnalǵan stıpendııa beriledi.
