Qazaqstandyqtar bokstan Brandenbýrg Kýbogynda 4 altyn utty
ASTANA. QazAqparat - Toǵyz qazaqstandyq sportshy jyl saıynǵy eýropalyq týrnır - jastar arasynda ótetin Brandenbýrg Kýbogyna qatysty. Ol 28 tamyzda Oderdegi Frankfýrtta aıaqtaldy.
Bul týraly Qazaqstan boks federatsııasynyń baspasóz qyzmeti habarlady.
Tórt altyn medaldi Rýstam Hamıdov (49 keli), Aıdos Arapov (52 keli), Bek Nurmaǵambet (75 keli) jáne Bekzat Nurdáýletov (81 keli) utty. Budan basqa, bizdiń komanda úsh kúmis, eki qola medalǵa ıe boldy. Jalpy komandalyq esepte 9 eldiń ishinen qazaqstandyq sportshylar ekinshi orynǵa shyqty. Birinshi orynda 5 altynmen - Reseı, úshinshi oryndy bir altynmen Germanııa ıelendi.
