Qazaqstandyqtar bıyldan bastap tegin tirkele alady
ASTANA. QazAqparat - 1 qańtardan bastap Qazaqstanda jańa Salyq kodeksi kúshine enedi. Tyń ózgeristerge sáıkes turǵylyqty meken-jaı boıynsha tirkeýge turý úshin memlekettik bajdan ustap qalý qyzmeti toqtatylmaq, dep habarlaıdy «QazAqparat» HAA tilshisi.
Osy ýaqytqa deıin bul qyzmettiń baǵasy 227 teńge (0,1 AEK) turǵan bolatyn.
Dese de, sheteldik tólqujat ıeleri úshin memlekettik bajdyń mólsheri eki esege, naqtyraq aıtqanda 4-ten 8 AEK-ke artty. Budan bylaı onyń baǵasy 19 myń 240 teńge turatyn bolady.
Eske sala ketsek, QR Prezıdenti 2017 jyldyń 25 jeltoqsany kúni «Salyq jáne bıýdjetke tólenetin basqa da mindetti tólemder týraly» Kodekske qol qoıǵan bolatyn.
