Qazaqstandyqtar bıyl YouTube arnasynan ne izdedi

 ALMATY. QazAqparat - Google ǵalamdyq izdeý resýrsynyń taldaýshylary qazaqstandyqtardyń YouTube kanalynan kóbine neni izdegeni týraly qorytyndy shyǵardy, dep habarlaıdy QazAqparat tilshisi.

Bul reıtıngtiń negizine qaraý, bólisý, kommentarıı, laık sany alynǵan.

«Eń tanymal 10 vıdeo álemde 633 mln ret qaralǵan. YouTube arnasyndaǵy - America's Got Talent, Britain's Got Talent, The Voice ‒ shoýlary kóbirek taralǵan. Bul shoýlardaǵy vıdeolar álemde 2,8 mıllıard ret qaralǵan. Qazaqstanda da debıýtant shoýlardyń ondyǵyna The Mask Singer (betperde kıgen ánshi) kirdi. Bul shoý 2016 jyly Koreıada shyqty. Keıin Taıland, Qytaı, Vetnam elderiniń aýdıtorııasyna laıyqtalyp jasaldy. Bul shoý da álemde 3 mlrd ret qaralǵan»,- dedi Google.

Mýzykalyq beınebaıandarǵa kelsek, 5 jyldan beri myzǵymaǵan Psy - «Gangnam Style» beınebaıanynyń rekordy buzyldy.

Bıyl Luis Fonsi «Despacito» beınebaıany 4,4 mlrd ret qaraldy.

Qazaqstandyq segment boıynsha 2017 jyly Erke Esmahannyń «Qaıda?» áni, Ernar Aıdardyń «Kúnim, sen sónbeshi» beınebaıany, Luis Fonsi «Despacito ft. Daddy Yankee» beınebaıany úzdik úshtikke kirdi.

Al tórtinshi orynǵa reseılik Grıby tobynyń «Taet led» vıdeosy turaqtady.