Qazaqstandyqtar bir aıda polıtsııaǵa 1272 atys qarýyn óz erkimen tapsyrǵan

NUR-SULTAN. QazAqparat – QR Іshki ister mınıstrliginiń ókili Shuǵyla Turlybektiń aıtýynsha, qazaqstandyqtar bir aıda polıtsııaǵa 1272 atys qarýyn óz erkimen tapsyrǵan, dep habarlaıdy QazAqparat tilshisi.

«Іshki ister mınıstrliginiń halyqtan zańsyz saqtaýdaǵy atys qarýyn, oq-dáriler men jarylǵysh zattardy satyp alýǵa baǵyttalǵan respýblıkalyq aktsııasy jalǵasyp jatyr.

Óz erkimen tapsyrylǵan qarýdyń jaı-kúıine qaraı ár danasy úshin 10 aılyq eseptik kórsetkishten (31 800 teńge – red) 100-AEK-ke deıin (318 000 teńge –red.) tólem kózdeledi.

Aktsııa bastalǵan aıdyń ishinde turǵyndar polıtsııaǵa 1272 dana atys qarýyn óz erkimen tapsyrdy.

Onyń ishinde, 1 oıyq uńǵyly avtomat, 188 uzyn oıyq uńǵyly myltyq, 4 qysqa oıyq uńǵyly avtomat, 1067 tegis uńǵyly myltyq, 12 travmatıkalyq qarý, 5 jarylǵysh qurylǵy jáne oıyq uńǵyly myltyqtyń 9,5 myńǵa jýyq oǵy bar», - dedi ІІM ókili vedomstvonyń onlaın brıfıngisinde.

Sondaı-aq, Shuǵyla Turlybek tirkelmegen atys qarýyn, oq-dári men jarylǵysh zattardy óz erkimen tapsyrǵan azamattar qylmystyq jáne ákimshilik jaýapkershilikke tartylmaıtynyn eske saldy.

Atalǵan brıfıngide bir aptanyń ishinde respýblıka boıynsha 3184 qylmys tirkelgeni málim etildi.