Qazaqstandyqtar bıometrııa kómegimen 20 kúnde 77,5 myń tsırflyq qoltańba aldy
«eGovMobile qosymshasynan bıometrııalyq parametrler arqyly ETsQ alý múmkindigi 2020 jyldyń 15 jeltoqsanynan bastap múmkin boldy. Osy ýaqytqa deıin 77,5 myń ETsQ berilgen. Al Elektrondy úkimet portaly arqyly byltyr 26 naýryzdan bastap qashyqtan bıometrııa arqyly nemese HQO operatorlaryna qońyraý shalý arqyly ETsQ alý múmkin boldy. Sodan beri onlaın túrde 2,8 mln ETsQ berildi», - dedi «Ulttyq aqparattar tehnologııasy» AQ-dan.
Aıta keteıik, Elektrondy úkimet portalynyń Mobıldi azamattar bazasynda tirkelý jáne ETsQ alý úshin eGovMobile qosymshasynda bıometrııalyq ıdentıfıkatsııadan ótý jetkilikti. Ol úshin smartfonnyń kamerasy qajet.
«Qazaqstandyqtar eGovMobile qosymshasynda ETsQ alatyn kezde birden 3 qyzmet alady. Bıometrııalyq ındentıfıkatsııa qoldanýshy eGov.kz portalynda tirkelgen tirkelmegenin anyqtaýǵa múmkindik beredi. Qajettilik bolǵan jaǵdaıda ony azamattardyń ózi teksere alady», - dedi AQ mamandary.
Ol úshin eGovMobile qosymshasynyń jańa nusqasyn kóshirý shart. Sosyn Digital ID bóliminde tirkeýden ótip, bıometrııalyq ındentıfıkatsııadan ótedi.
Keıin jeke qujattyń málimetteri men telefon nómirin alýǵa ruqsat beriledi. Sodan keıin elektrondy poshtany kórsetip, ETsQ-nyń qupııa sózin oılastyrady.
