Qazaqstandyqtar bes aıda 7 elektromobıl ǵana satyp alǵan
NUR-SULTAN. QazAqparat - Qazaqstan avtomobıl salasy kásiporyndarynyń odaǵy 5 aıdyń kórsetkishterin jarııalady. Elektromobılge degen suranys eselep kemise, qoldan-qolǵa satý artqan, dep habarlaıdy QazAqparat tilshisi.
Jalpy, 5 aıda jarty mıllıonnan astam (576 829) kólik tirkeýden ótken. Bul ótken jyldyń bes aıymen salystyrǵanda 15 paıyzǵa kóp. Onyń 36 524-i ákimshilik polıtsııanyń tirkeýine tuńǵysh ret alynyp otyr. ıAǵnı, qalǵan 540 305 tehnıka qoldan qolǵa satý nátıjesinde qaıtara tirkelgen. Al elektromobıl saýdasy 35-ten 7-ge túsken. 7 kólikti de Almaty oblysy men Almaty qalasynyń turǵyndary satyp alǵan. Barlyǵy da - Tesla modeliniń ónimderi.
Satylǵan kólikterdiń 70,5 paıyzynyń «jasy» 10-nan asqan. Onyń ishinde 39,4 paıyzynyń zaýyttan shyqqanyna 20 jyldan asyp ketken.
«Avtomobıl naryǵyndaǵy saýda-sattyq dınamıkasy qoldanystaǵy kólikterdiń barǵan saıyn eskirip jatqanyn kórsetedi. 20 jyldan eski kólikterdiń saýdasy qyzsa, 1-3 jyl aralyǵyndaǵy tehnıkanyń saýdasy 4,5 paıyzǵa kemigen», - delingen odaqtyń baspasóz aqparatynda.
Qoldan-qolǵa satylǵan avtomobılderdiń kóshin Almaty oblysy men Almaty qalasy, Túrkistan oblysy bastap tur. Sondaı-aq, Almaty «bir jasqa deıingi» kólikter eń kóp tirkelgen qala atanyp otyr.
