Qazaqstandyqtar baıdarka men kanoe esýden Azııa chempıonatynda úsh medal jeńip aldy
ASTANA. QazAqparat - Qazaqstandyq sportshylar Ózbekstanniń Samarqand qalasynda ótip jatqan Azııa chempıonatynda baıdarka men kanoe esýden úsh medaldi jeńip aldy, dep habarlaıdy «QazAqparat» HAA tilshisi.
QR Ulttyq Olımpıadalyq komıtettiń aqparatynsha, jarys aǵymdaǵy jyldyń 20 qazanynda bastalyp, 25 qazanda aıaqtalady.
Birinshilik aıasynda sondaı-aq eresekter arasynda Azııa kýbogy ótip jatyr.
Qazaqstandyq sportshylar búginde úsh medalǵa qol jetkizgen.
Baıdarka men kanoe esýden 23 jasqa deıingi sportshylar arasynda 1000 metr qashyqtyqqa esýde qazaqstandyq sportshy Aleksandr Medvedev ekinshi oryn alǵan. Al jasóspirimder arasynda bul qashyqtyqta sportshymyz Kırıll Týbaev úzdik atandy.
Kanoede 1000 m qashyqtyqqa esýde qazaqstandyq Altynbek Qojahmetov jeńimpaz atanǵan.
