Qazaqstandyqtar batýttaǵy gımnastıkadan álem chempıonatynda 6-oryn aldy
ASTANA. QazAqparat – Batýttaǵy gımnastıkadan Qazaqstan quramasy Bolgarııada ótken álem chempıonatynda 6-oryn aldy, dep habarlaıdy QazAqparat.
QR Ulttyq Olımpıada komıtetiniń málimetine sáıkes, sınhrondy sekirýden sportshylarymyz fınalda óner kórsetti. Nátıjesinde Danııl Musabaev pen Pirmammad Álıev altynshy orynǵa taban tiredi.
Baǵdarlamanyń atalmysh túrinde barlyǵy 26 komanda baq synady.
Eske salaıyq, álemdik birinshilikte el atynan 5 sportshy óner kórsetetinin buǵan deıin jazǵan bolatynbyz. Sınhrondy jáne jeke sekirýde Pirmammad Álıev, Danııl Musabaev, Roman Barkov jáne Erlan Tasmaǵambetov, qos mını trampta Igor Grachev medaldar úshin talasty.
